Ein gwaith diweddar

Roeddem yn falch o weithio gyda Llais i greu fersiwn hawdd ei ddeall o'u maniffesto 2026. Mae'r ddogfen hon yn esbonio'r hyn y mae pobl ledled Cymru yn dweud sydd ei angen arnynt gan wasanaethau iechyd a gofal cymdeithasol. Mae'n seiliedig ar filoedd o bobl yn rhannu eu profiadau go iawn.

Roeddem yn falch o weithio gyda'r Grŵp Gorchwyl a Gorffen ar gyfer yr ymgyrch Cartrefi nid Ysbytai Bywydau wedi’u Dwyn i greu fersiwn hawdd ei ddeall o'u hadroddiad. Mae'r adroddiad O Ysbytai I Gartrefi yn esbonio sut mae pobl ag anabledd dysgu a phobl awtistig yn cael eu cadw ar gam mewn ysbytai pan nad oes angen iddynt fod yno.

Roeddem yn falch o weithio gydag Anabledd Cymru i greu fersiwn hawdd ei ddeall o’u maniffesto newydd, O Prin yn Goroesi I Ffynnu Go Iawn. Mae’r ddogfen hawdd ei ddeall yma yn rhannu’r hyn a ddywedodd pobl anabl a’u sefydliadau bod angen newid yng Nghymru dros y pum mlynedd nesaf.

Fe wnaethom weithio gyda Sioned Williams i wneud fersiwn hawdd ei ddeall o’i harolwg newydd. Mae’n ymwneud â chynlluniau Llywodraeth y DU i newid budd-daliadau anabledd, gan gynnwys Taliad Annibyniaeth Bersonol (PIP) a Chredyd Cynhwysol (UC).

Fe wnaethom weithio gyda Llywodraeth Cymru i wneud fersiwn Hawdd ei Ddeall o’u hymgynghoriad newydd. Mae’n ymwneud â thaliadau uniongyrchol ar gyfer iechyd a gofal cymdeithasol yng Nghymru.

Fe wnaethon ni weithio gyda Chyngor Caerdydd i greu fersiwn Hawdd ei Ddeall o’u strategaeth ddrafft, Caerdydd sy’n Deall Niwrowahaniaeth: 2025–2030. Mae’r strategaeth hon yn esbonio eu cynlluniau i wneud Caerdydd yn lle gwell, mwy cynhwysol i bobl niwrowahanol fyw, gweithio a ffynnu.

Fe wnaethom weithio gyda Bwrdd Iechyd Addysgu Powys i greu fersiwn hawdd ei ddeall o’u hymgynghoriad, Gwell Gyda’n Gilydd. Mae’r ymgynghoriad hwn yn gofyn am eich barn ar wasanaethau gofal iechyd ym Mhowys.

Fe wnaethom weithio gyda Llywodraeth Cymru i greu fersiwn hawdd ei ddeall o’u canllaw newydd i ysgolion am fwlio. Mae’r canllaw yn esbonio beth yw bwlio, sut y dylai ysgolion ddelio ag ef, a pha gefnogaeth sydd ar gael.

Fe wnaethom weithio gyda Llywodraeth Cymru i greu fersiwn hawdd ei ddeall o'u hymgynghoriad am fwyd a diod mewn ysgolion yng Nghymru. Mae'r arolwg yn edrych ar ffyrdd o wella prydau ysgol a helpu plant i ddatblygu arferion bwyta iach.

Roeddem yn falch o weithio gyda’r prosiect Engage to Change i greu fersiwn Hawdd ei Ddeall o’u hadroddiad adborth cyflogwyr. Mae’r adroddiad hwn yn rhannu’r hyn a ddywedodd cyflogwyr am logi pobl ifanc ag anableddau dysgu ac awtistiaeth trwy Engage to Change.

Fe wnaethom weithio gydag Uchelgais Gogledd Cymru i greu fersiynau hawdd eu deall o’u cynllun a’u ffurflen ymateb. Mae’r rhain i gasglu adborth y cyhoedd ar eu Cynllun Trafnidiaeth Rhanbarthol drafft. Mae Uchelgais Gogledd Cymru yn bartneriaeth o’r chwe chyngor yng Ngogledd Cymru, ynghyd â rhai prifysgolion a cholegau. Fe wnaethon nhw weithio gyda’i gilydd i wneud y cynllun.

Buom yn gweithio gydag Anabledd Cymru i greu fersiwn Hawdd ei Ddeall o’u Cyflwyniad Mynediad i Wleidyddiaeth. Mae’r ddogfen hon yn esbonio’r Prosiect Mynediad i Wleidyddiaeth, sy’n ceisio helpu mwy o bobl fyddar ac anabl yng Nghymru i gymryd rhan mewn gwleidyddiaeth. Mae’r prosiect yn adeiladu ar waith blaenorol oedd yn cefnogi pobl fyddar ac anabl i sefyll etholiad a chymryd rhan mewn prosesau gwleidyddol.

Buom yn gweithio gyda Chyngor Bwrdeistref Sirol Castell-nedd Port Talbot i greu fersiwn Hawdd ei Ddeall o’u strategaeth. Mae’r ddogfen Hawdd ei Ddeall hon yn ymwneud â’u Strategaeth Ymgysylltu â Phobl Ifanc ar gyfer 2024 i 2034. Nod y strategaeth yw cefnogi pobl ifanc drwy wella eu mynediad at addysg, adnoddau iechyd meddwl, a gwasanaethau hanfodol. Mae’n canolbwyntio ar helpu pobl ifanc i bontio i fod yn oedolion yn llwyddiannus.

Buom yn gweithio gydag Ombwdsmon Gwasanaethau Cyhoeddus Cymru i greu fersiwn Hawdd ei Ddeall o’u hadroddiad Byw mewn Tai Cyflwr Gwael. Mae’r adroddiad yn canolbwyntio ar gwynion am damprwydd, llwydni ac amodau tai gwael mewn tai cymdeithasol. Mae’n edrych ar sut mae’r materion hyn yn effeithio ar iechyd ac yn amlygu problemau o ran sut mae rhai landlordiaid yn trin cwynion.

Buom yn gweithio gyda Gwella Addysg Iechyd Cymru a Phartneriaeth Genomeg Cymru i wneud fersiwn Hawdd ei Ddeall o’u Cynllun Gweithlu Strategol Genomeg i Gymru. Genomeg yw’r astudiaeth o sut mae genynnau yn gweithio a sut maen nhw yn effeithio ar iechyd. Mae genomeg yn gwella gofal iechyd trwy wneud diagnosis o glefydau, cynnig triniaethau gwell, ac atal problemau iechyd.

Gofynnodd Grŵp Ymgyrch Bywydau wedi’u Dwyn i ni wneud fersiwn Hawdd ei Ddeall o’u maniffesto. Mae’r grŵp yn deuluoedd sydd ag anwyliaid ag anabledd dysgu neu sy’n awtistig sy’n byw mewn gwasanaethau ysbytai arbenigol yng Nghymru.

Gofynnodd Llywodraeth Cymru i ni wneud fersiwn Hawdd ei Ddeall o’u llyfryn Bathodyn Glas. Mae’r Bathodyn Glas yn ei gwneud hi’n haws i bobl fynd i lefydd. Mae’n eu helpu i barcio yn agos i’r man lle mae angen iddynt fynd.