Llywodraeth Cymru – O Ysbytai i Gartrefi Hawdd ei Ddeall

Roeddem yn falch o weithio gyda'r Grŵp Gorchwyl a Gorffen ar gyfer yr ymgyrch Cartrefi nid Ysbytai Bywydau wedi’u Dwyn i greu fersiwn hawdd ei ddeall o'u hadroddiad.

Mae'r adroddiad O Ysbytai I Gartrefi yn esbonio sut mae pobl ag anabledd dysgu a phobl awtistig yn cael eu cadw ar gam mewn ysbytai pan nad oes angen iddynt fod yno.

Mae'n edrych ar y problemau sy'n arwain at bobl yn cael eu cadw yn yr ysbyty. Mae'r rhain yn cynnwys gofal cymdeithasol gwael, diffyg tai addas, gwasanaethau nad ydynt yn gweithio gyda'i gilydd, a chyfreithiau a pholisïau nad ydynt yn cael eu dilyn yn iawn.

Mae'r adroddiad yn nodi 8 newid allweddol sydd eu hangen i helpu pobl i symud o ysbytai i gartrefi a chymunedau, gyda'r gefnogaeth gywir ar waith.
Mae'r adroddiad yn galw ar Lywodraeth Cymru, byrddau iechyd, a chynghorau i weithredu nawr fel y gall pobl fyw bywydau diogel, ystyrlon ac annibynnol yn eu cymunedau.

Fe wnaethom hefyd fersiwn Saesneg Hawdd ei Ddeall o'r adroddiad. Mae'r ddwy fersiwn yn hygyrch yn ddigidol ar gyfer darllenwyr sgrin a thechnoleg gynorthwyol.

Pwyswch y botwm coch Gweld a lawrlwytho'r adnodd hwn i gael PDF hygyrch yr adroddiad Hawdd ei Ddeall.

Am ragor o wybodaeth, ewch i wefan Bywydau wedi’u Dwyn yma.

Cysylltwch â ni os hoffech wybod mwy am unrhyw un o’n gwasanaethau: [email protected].

Gallwch weld ein holl waith diweddar yma